Galixfera.com o portal galego de información e servicios

Salvemos Cabana celebra a dimisión de Francisco Aréchaga, director xeneral corporativo da Mineira de Corcoesto

Fuente: Redacción | Publicado: 25-09-2013
0 comentarios | Votos: 39 | Nota: 1 |
A plataforma cidadá Salvemos Cabana solicitara recentemente á Xunta de Galicia o cesamento de Francisco Aréchaga Rodríguez. O motivo é que, simultaneamente, Aréchaga exercía a presidencia da Cámara Oficial Mineira de Galicia (COMG) -un órgano consultivo tutelado pola Consellería de Economía e Industria da Xunta de Galicia- e desde o pasado 10 de setembro tamén director xeneral corporativo de Mineira de Corcoesto S.L. –sociedade de Edgewater para executar o proxecto na comarca de Bergantiños. A plataforma cidadá entendía que exercía funcións “de xuíz e de parte” ao estar ao mesmo tempo en ambos postos.

As condicións nas que Aréchaga Rodríguez era membro da COMG cambiaran nos últimos meses. No seu día elixido para este órgano consultivo como representante de Endesa, hai poucas semanas deixou esta compañía ao ser contratado por Edgewater para dirixir o proxecto mineiro de Corcoesto. Un cambio de actividade profesional que non comportou, como era de esperar, a súa dimisión como membro deste órgano.

Ademais, a dimisión de Aréchaga Rodríguez como presidente da COMG tampouco terá carácter inmediato. A directiva deste órgano leva en funcións desde o pasado mes de xuño, cando se suspenderon as eleccións que debían renovar a nove dos seus vocalías, de forma que non deixará a presidencia efectiva ata que se celebren novamente estas eleccións.

Mentres tanto, aínda que xa dimitido, Francisco Aréchaga Rodríguez, enxeñeiro de minas asturiano, seguirá ocupando ambos postos. Na práctica, a situación de interinidade padecida pola COMG debería paralizar un tempo a situación procesual na toma de decisión final sobre o proxecto mineiro de Corcoesto; xa que este órgano consultivo esixe audiencia obrigatoria previa a calquera conclusión.

Sobre esta paralización de facto, Salvemos Cabana tamén mostrou a súa satisfacción porque, interpretan, a contratación premurosa de Aréchaga Rodríguez por Edgewate “obedecía á intención da compañía de presionar á Xunta de Galicia para a aprobación definitiva do proxecto mineiro, actualmente paralizado polos problemas económicos da empresa para afrontar o investimento previsto.”
Comentarios:

Queres comentar a noticia?

En breve poderá darse de alta como usuario para poder comentar as noticias. Unha vez rexistrado poderás comentar e moito máis

Regístrarme



O MÁIS LEIDO

Ordenan prisión para os dous gardas civís e para outro dos detidos por revelación de segredos
Os outros tres arrestados quedaron en liberdade con cargos tras pasar a disposición xudicial
Escotet pide a Castellano que 'medite' formar parte do novo consello de administración tras a compra de NCG Banco
Ambos os dous presidentes abordan nunha reunión de case dúas horas a etapa de transición que se inicia agora
Máis de 27.000 peregrinos selaron a Compostela no que vai agosto, 1.600 máis que no mesmo mes de 2012
Un total de 27.030 persoas selaron a Compostela no que vai de mes de agosto, unha cifra que supera en máis de 1.600 á rexistrada no mesmo período de 2012, con 25.365 peregrinos, segundo reflicten os datos facilitados a Europa Press pola Oficina do Peregrino.
Os podólogos galegos piden formar parte da sanidade pública e ven o pé como unha das partes 'máis descoidadas'
Lamentan que se recorra a outros especialistas que realizan as súas funcións pero dun xeito "máis generalista"
O PPdeG non pedirá a dimisión do alcalde de Baralla malia 'non' compartir as súas declaracións
O PPdeG non pedirá a dimisión do alcalde de Baralla (Lugo), Manuel González Capón, quen asegurou nun pleno municipal que "os que foron condenados a morte" durante o franquismo "será que o merecían".

O maior directorio galego de empresas e profesionais. Direccións, teléfonos...

Alimentación Animais Arte e cultura Artes gráficas
Asesorías e laboral Asociacións, colexios oficiais e profesionais Automoción Comercio varios
Comercio, banca e finanzas Construción Deportes Enoloxía
Ensino Espectáculos e eventos Establecementos hoteleiros Estética e beleza
Flores e plantas Fogar e mobles Imaxe e son Industria
Enxeñaría Inmobiliaria Instalacións e mantenimientos Xoiaría e reloxaría
Xustiza e servizos legais Maquinaria Náutica e servizos navais Ocio
Publicidade, mercadotecnia e medios Relixión e servizos funerarios Restaurantes e hostalaría Saúde
Seguridade e vixilancia Seguros e mutuas Servizos a empresas Servizos fogar
Servizos sociais Servizos e subministracións Tecnoloxía e comunicacións Téxtil e complementos
Transportes e loxística Turismo Viaxes